نوشہرو فیروز (رپورٹ: محمد علی ملک) ڈپٹی کمشنر نوشہرو فیروز کیپٹن ریٹائرڈ بلال شاہد راؤ اور کنٹرولر امتحانات بورڈ آف انٹرمیڈیٹ اینڈ سیکنڈری ایجوکیشن شہید بینظیر آباد نے آج نوشہرو فیروز میں نویں اور دسویں کے جاری امتحانات کی مانیٹرنگ اور نقل کی روک تھام کے لئے مختلف مراکز کا دورہ کیا اور اس دوران تین امتحانی مراکز سے امتحان دینے والے 102 طلبا سے موبائل فون برآمد کئے گئے جبکہ ان تینوں مراکز کے ایکٹرنل اور انٹرنل کے خلاف کاروائی کے لئے ڈائریکٹر سیکنڈری اسکولز شہید بینظیرآباد ( نوابشاہ)، چیئرمین بورڈ آف انٹرمیڈیٹ اینڈ سیکنڈری ایجوکیشن شہید بینظیر آباد کو خط ارسال کیا ہے اور سخت کاروائی کی سفارش کی گئی ہے۔ جبکہ ڈسٹرکٹ ایجوکیشن آفیسر نوشہرو فیروز اور دیگر متعلقہ افسران کو امتحان میں نقل کی روک تھام کے لئے سختی سے ہدایات جاری کی ہیں۔
