ڈیرہ اسماعیل خان (رپورٹ: گوہر غنچہ) ایف آئی اے میں 214 نئی بھرتیوں کے لئے انٹرویو شروع ہوگئے ہیں۔ وفاقی تحقیقاتی ادارے ایف آئی اے نے چند ماہ قبل سب انسپکٹر، اسسٹنٹ سب انسپکٹر، ہیڈ کانسٹیبل کی بھرتیوں کے لئے ٹیسٹ کیا گیا اور سب انسپکٹر کی 64 سیٹوں اور اسسٹنٹ سب انسپکٹر و ہیڈ کانسٹیبل سمیت دیگر 150 آسامیوں کے لئے انٹرویو کا سلسلہ شروع ہوگیا ہے۔ ٹیسٹ کے نتائج کا اعلان گزشتہ ماہ کیا گیا تھا۔ انٹرویو مکمل ہونے کے بعد کامیاب ہونے والوں کی تعیناتی کردی جائے گی۔ 214 آسامیوں کے لئے مجموعی طور پر اڑھائی لاکھ سے زائد درخواستیں موصول ہوئی تھیں اور ٹیسٹ میں ایک لاکھ سے زائد افراد نے شرکت کی تھی۔
