کراچی، (رپورٹ، ذیشان حسین) سندھ کے صوبائی وزراء مکیش کمار چاولہ، شاہینہ شیر علی اور معاونِ خصوصی محمد سلیم بلوچ نے یومِ استحصالِ کشمیر کے موقع پر اپنے مشترکہ پیغام میں کہا ہے کہ 5 اگست 2019 مقبوضہ کشمیر کے حقِ خودارادیت پر بھارتی ڈاکے کا دن ہے۔ ان کا کہنا تھا کہ بھارت کا یہ اقدام نہ صرف عالمی قوانین بلکہ اقوامِ متحدہ کی قراردادوں کی بھی کھلی خلاف ورزی ہے۔
انہوں نے کہا کہ کشمیری عوام اپنے حقِ خودارادیت کے حصول کے لیے برسوں سے مسلسل جدوجہد کر رہے ہیں اور ان کی یہ جدوجہد لازوال قربانیوں سے عبارت ہے صوبائی وزراء نے اس عزم کا اعادہ کیا کہ پاکستانی قوم اپنے کشمیری بھائیوں کی منصفانہ جدوجہد میں ان کے شانہ بشانہ کھڑی ہے اور ان کی اخلاقی، سفارتی اور سیاسی حمایت جاری رکھے گی۔
