راولپنڈی، (نوپ نیوز) پاکستان تحریک انصاف (پی ٹی آئی) کے بانی اور سابق وزیراعظم عمران خان سے ملاقات کے لیے 6 پارٹی رہنماؤں اور وکلا کی فہرست اڈیالہ جیل حکام کے سپرد کردی گئی ہے۔
پی ٹی آئی رہنما سلمان اکرم راجہ کی جانب سے چوہدری اویس ایڈووکیٹ کے ذریعے جمع کرائی گئی فہرست میں چیئرمین پی ٹی آئی بیرسٹر گوہر علی خان، سلمان اکرم راجہ، انتظار پنجوتھہ، لال بادشاہ، مبشر رحمان اور عبدالرحمان رانجھا شامل ہیں۔
ذرائع کے مطابق یہ ملاقات عمران خان کو قانونی مشاورت فراہم کرنے اور موجودہ مقدمات پر تبادلہ خیال کرنے کے لیے ہوگی، جس میں قانونی حکمت عملی اور آئندہ کارروائیوں کے بارے میں اہم فیصلے بھی زیر غور آئیں گے۔
