کوآپریٹو مارکیٹ آگ میں تخریب کاری کو نظر انداز نہ کیا جائے۔ مارکیٹ متاثرین کو مالی امداد نہ دی گئی تو سخت ردعمل دینگے۔ علامہ جہانزیب سبزواری

کراچی (رپورٹ: ذیشان حسین) الیونس قاسم ویلفیئر آرگنائیزیشن کے سربراہ علامہ جہانزیب سبزواری نے ایک بیان میں کہا ہے کہ صدرکو آپریٹو مارکیٹ میں لگنے والی آگ میں تخریب کاری کے عنصر کو نظر انداز کرنا دانشمندی نہیں نااہلی ہے۔ حکمرانوں کو شہر میں آگ بجانے کے ٹھوس آلات نہ ہونے پر شرم آنا چاہئے۔ انہوں نے کہا کہ شہر کراچی ملکی معیشت کا حب ہے لیکن اس پر کوئی خاص توجہ نہیں د ی جارہی ہے بلکہ صرف اس کو لوٹا جارہا ہے اور جس کی وجہ سے شہر کراچی کی نہایت ابتر صورت حال ہے حکمران قبلہ اپنا درست کریں۔ انہوں نے کہا کہ اگر صدر کوآپریٹو مارکیٹ کے 600 سے زائد متاثرین کو فوری مالی امداد نہ دی گئی تو سخت ردعمل کا اظہار کریں گے اور متاثرین کو ہر گز تنہا نہیں چھوڑیں گے۔