منڈی بہاوالدین (بیورو رپورٹ) منڈی بہاوالدین ڈپٹی کمشنر طارق علی بسرا نے انڈر 16 سینٹرل پنجاب اسکولز کرکٹ چیمپیئن شپ کا پیر یعقوب شاہ اسٹیڈیم میں افتتاح کر دیا۔ اس موقع پر اسسٹنٹ کمشنر پھالیہ ساجد منیر کلیار، عادل امتیاز چوہدری، واجد علی بھٹی، حسن طارق تارڑ و دیگر بھی موجود تھے، اس موقع پر کرکٹ گراؤنڈ میں کبوتر اور غبارے فضاء میں بلند کئے گئے، جبکہ ڈپٹی کمشنر طارق علی بسرا نے باؤلنگ اور بیٹنگ کر کے چیمپین شپ کا آغاز کیا، یہ انڈر 16 اسکولز کرکٹ چیمپئن شپ 15 ستمبر سے23 ستمبر تک جاری رہے گی، جس میں سرکاری و نجی اسکولز کی 8 ٹیمیں اور 160 بوائز کھلاڑی شرکت کریں گے۔
