کراچی (رپورٹ: ذیشان حسین) جمعیت علماء اسلام کے مرکزی ترجمان اسلم غوری نے اپنے جاری بیان میں کہا ہے کہ تیرہ اگست کو ہونے والا جلسہ پی ڈی ایم قیادت نے مؤخر کیا ہے۔ پی ڈی ایم کا جب بھی کوئی جلسہ ہوتا ہے کورونا بڑھنا شروع ہو جاتا ہے۔ مرکز کی طرح سندھ حکومت بھی پی ڈی ایم سے خوفزدہ ہے۔ حکومت سندھ نے کورونا کو آڑ بنا کر لاک ڈاؤن لگایا۔ لاک ڈاؤن کی آڑ لے کر سندھ اور مرکزی حکومت کب تک چھپتی رہے گی۔ میاں شہباز شریف، شاہد خاقان عباسی اور پی ڈی ایم میں شامل جماعتوں کے قائدین کی مشاورت پر جلسہ موخر کیا گیا ہے۔ جلسہ کی نئی تاریخ کا اعلان باہمی مشاورت سے بعد میں کیا جائے گا۔
