پشاور (بیورو رپورٹ) ایف آئی اے نے بلیک میلنگ کی شکایات پر پشتو گلوکارہ و ڈانسر منیبہ شاہ کو گرفتار کرلیا۔ ایف آئی اے سائبر کرائم سرکل نے پشاور میں کارروائی کرتے ہوئے شہری کو بلیک میل کرنے والی پشتو گلوکارہ اور ڈانسر منیبہ شاہ کو گرفتار کرلیا۔ ملزمہ نے فیس بک کی جعلی آئی ڈی بنائی ہوئی تھی جس سے لڑکیوں کی تصویریں شئیر کرتی تھی۔ ایف آئی اے کے افسر جہانگیر شہزاد کے مطابق گلوکارہ کو ان کے گھر سے گرفتار کیا گیا اور ان کے خلاف سائبر کرائم ایکٹ کے تحت ایف آئی آر درج کرلی گئی ہے۔
