کراچی (رپورٹ: ذیشان حسین) کشمیری عوام سے اظہار یکجہتی کیلئے کشمیر ڈے کے موقع پر سیپاک ٹاکرا چیمپئن شپ کا انعقاد کیا جارہا ہے جس میں کراچی کے تمام ڈسٹرکٹ کی ٹیمیں شرکت کریں گی۔ ایونٹ ڈائریکٹر سید اسرار الحسن عابدی اور آرگنائزنگ سیکریٹری خاور احمد ہونگے۔ اس حوالے سے گذشتہ روز مقامی ہوٹل میں ایک اجلاس منعقد کیا گیا۔ اجلاس میں ناصر معین عثمانی (چیئرمین سندھ سیپاک ٹاکرا) سید اسرار الحسن عابدی (سیکریٹری سندھ سیپاک ٹاکرا ایسوسی ایشن )، فیصل خان( سینئر وائس پریذیڈنٹ) عبید بکالی (وائس پریذیڈنٹ ) صادق عباس (پریذیڈنٹ کراچی سیپاک ٹاکرا) خاور احمد ( سیکریٹری کراچی سیپاک ٹاکرا) چیف کوآرڈینیٹر عثمان زبیر، سندھ کوآرڈینیٹر عامر کفایت، انیلا خان (وومنز کورڈینیٹر سندھ) افشین صدیقہ( وومنز کوآرڈینیٹر کراچی) سیکریٹری ایسٹ زوہیر علی، سیکریٹری سینٹرل حافظ منصور، مریم خاور، عزیزالدین، فریحہ نے بھی شرکت کی۔
