کراچی (رپورٹ: ذیشان حسین) ترجمان سندھ حکومت اور مشیر قانون و ماحولیات بیرسٹر مرتضی وہاب نے بلوچ کلچرل ڈے پر بلوچ عوام کو مبارکباد پیش کرتے ہوئے کہا ہے کہ بلوچ کلچر کی خوبصورتی سے پاکستان کا مثبت پہلو اجاگر ہوتا ہے۔ بیرسٹر مرتضی وہاب کا کہنا تھا کہ علاقائی کلچر پاکستان کے حسن میں رنگا رنگی بڑھاتے ہیں بلوچ کلچر ڈے منانے کا مقصد بلوچ ثقافت کو دنیا کے سامنے لانا ہے، انہوں نے کہا کہ کراچی کے قدیم باشندے بلوچ ہیں اور کلچر ڈے پر انہیں مبارکباد پیش کرتے ہیں۔ بیرسٹر مرتضی وہاب نے کہا کہ بلوچ کلچر ڈے روایات کے تسلسل کا خوبصورت امتزاج ہے۔ بلوچ کلچر ڈے پاکستان کی لوک ثقافت میں حسین اضافہ ہے۔
