میرپورخاص (رپورٹ: ایم ہاشم شر) تھرپاکر ضلع کے ہائی پروفائل مرڈر کیس میں انسداد دہشتگردی کی عدالت نمبر 2 سینٹرل جیل حیدرآباد کے جج غلام مصطفیٰ اے میمن کی عدالت نے 2018 میں مٹھی میں قتل ہونے والے دو ہندو تاجر بھائیوں دلیپ کمار اور چندر کے کیس میں نامزد تین ملزمان میرپورخاص کے رہائشی نظر محمد مکرانی، بہرام اور الہورايو عرف کيلو پر قتل ڈکیتی اور ناجائز اسلحہ رکھنے کا جرم ثابت ہونے پر سزائے موت دو دو لاکھ روپے جرمانہ ادا کرنے کی سزا سنادی جرمانہ ادا نہ کرنے کی صورت میں مزید دو دو سال قید کی سزا سنادی گئی جبکہ ڈکیتی کے کیس میں تینوں ملزمان کو بیس بیس سال قید دو دو لاکھ روپے جرمانہ ادا کرنے کی سزا سنادی، ناجائز اسلحہ رکھنے کے کیس میں تینوں ملزمان کو پانچ پانچ سال سزا سنادی گئی، اس کیس کی شنوائی انسداد دہشتگردی میرپورخاص کی عدالت میں چل رہی تھی ملزمان کی گرفتاری کے بعد اس کیس کو سینٹرل جیل حیدرآباد کی انسداد دہشتگردی عدالت نمبر 2 میں منتقل کیا گیا تھا، اس کیس پیروی مدعی کی طرف سے میرپورخاص کے وکلاء مظفر لغاری اور محفوظ لغاری کر رہے تھے۔
