کراچی (رپورٹ: ذیشان حسین) نیپال سے آئے ہوئے امن مارچ کے شرکاء اور پاکستانی سول سوسائٹی کے اراکین نے جے جگت امن مارچ 2020 کے سلسلے میں کراچی پریس کلب سے سندھ اسمبلی تک پیدل امن مارچ کیا اور جنوبی ایشیا میں امن قائم کرنے کی ضرورت پر زور دیا۔ نیپالی وفد کے سربراہ جگت بیسنت اور پائلر کے ڈائریکٹر کرامت علی نے امن مارچ کی قیادت کی۔ شرکاء مِیں عورت فاؤنڈیشن کی ڈائریکٹر مہناز رحمان، اربن ریسورس سنٹر کے زاہد فاروق، ٹریڈ یونین اور سول سوسائٹی کے رہنماؤں نے شرکت کی۔ اس موقع پر خطاب میں کرامت علی نے کہا کہ امن مارچ گذشتہ سال اکتوبر میں دہلی سے شروع ہوا اور اس سال اکتوبر میں جینوا میں اختتام پذیر ہوگا۔
