کراچی (رپورٹ: ذیشان حسین) کراچی ڈاکس پولیس کی مچھرکالونی میں کاروائی، ٹرک پر پشاور سے اسمگل کی گئی ایک من چرس برآمد، منشیات وصول کرنے کے لئے آیا ہوا ٹیکسی ڈرائیور گرفتار، ٹرک ڈرائیور فرار۔ ایس ایس پی سٹی مقدس حیدر نے بتایا کہ چرس بھیجنے والے نے پشاور سے ٹیکسی ڈرائیور کو فون پر "قالین لے لو” کا کوڈ ورڈز استعمال کیا۔ ٹرک ڈرائیور مچھر کالونی کی پارکنگ میں ڈلیوری دینے کیلئے انتظار کر رہا تھا۔ ایس پی کیماڑی ڈاکٹر عمران نے بتایا کہ ایس ایچ او ڈاکس نصیر تنولی کی سربراہی میں پولیس پارٹی نے خفیہ اطلاع پر کارروائی کی، ٹرک، ٹیکسی اور منشیات قبضے میں لے کر ڈاکس تھانے منتقل کردی گئی، منشیات کی برآمدگی کا مقدمہ درج، دیگر ملزمان کی گرفتاری کیلئے چھاپے مارے جا رہے ہیں۔
