صوابی (رپورٹ: اصغر خان) ڈپٹی کمشنر صوابی شاہد محمود کی خصوصی ہدایت پر ڈی سی آفس سے امن چوک صوابی تک ایڈشنل اسسٹنٹ کمشنر صوابی عظمٰی مکرم کی قیادت میں کشمیریوں کے ساتھ اظہار یکجہتی کے حوالےسے مرکزی ریلی نکالی گئی اور پروقار تقریب کا انعقاد کیا گیا۔ اس کے علاوہ ہر تحصیل میں بھی ضلعی انتظامیہ کی سربراہی میں ریلیوں اور تقریبات کا انعقاد کیا گیا۔ ریلیوں میں اسکول کے بچوں، سماجی کارکنان، تاجر براداری اور صوابی انتظامیہ کے نمائندوں کے ساتھ ساتھ عوام کی کثیر تعداد نے شرکت کی۔ شرکإ نے بینرز اور جھنڈے اٹھا رکھے تھے جس پر کشمیریوں کے حق میں اور بھارت کے ظلم کے خلاف نعارے درج تھے۔ ریلی سے خطاب کرتے ہوۓ مقررین نے کہا کہ کشمیریوں کے ساتھ ہونے والی ظلم کا اقوام متحدہ کو نوٹس لینا چاہیے اور مسٸلہ کشمیر کو کشمیریوں کے امنگوں کے مطابق حل کرنا چاہیے۔
