پشاور (بیورو رپورٹ) شمالی وزیرستان خارکمر واقعے میں بڑی پیشرفت۔ مشیر ضم اضلاع اجمل وزیر نے میران شاہ کا ہنگامی دورہ کیا ہے۔ خارکمر واقعے پر شمالی وزیرستان کے عمائدین پر مشتمل نو رکنی جرگہ تشکیل دے دیا گیا۔ جرگے میں چیف آف وزیرستان ملک نصر اللہ، چیف آف داوڑ ملک خانزیب، ملک شاہ نواز مداخیل، ملک خان مرجان، ملک حبیب اللہ درپہ خیل، ملک جان فراز، ملک میر قادر خان، ملک غلام خان اور پیر عاقل زمان تپی شامل ہیں۔ جرگہ عمائدین نے شمالی وزیرستان میں امن وامان کے قیام پر اتفاق کیا ہے۔ جرگہ خارکمر واقعے کے پرامن حل کیلئے فریقین سے مشاورت کرے گا۔ مشیر ضم اضلاع اجمل وزیر نے 9 رکنی جرگے کا اجلاس کل پشاور میں طلب کرلیا ہے۔ اجمل وزیر کا کہناہے کہ شمالی وزیرستان میں امن کو یقینی بنانے کیلئے تمام وسائل بروئے کار لائے جائیں گے۔ قبائلی رسم و رواج سے واقف ہوں۔ جرگہ دیرپا امن کے قیام میں معاون ہوگا۔ متاثرہ خاندانوں میں امدادی چیکس کی تقسیم کا سلسلہ شروع کردیا ہے۔
