کراچی (رپورٹ: ذیشان حسین) سندھ کے ضلع عمر کوٹ کے نواح میں تقریبا 20 دیہاتوں کے لیے بیت السلام کے فراہمی آب ایک بڑے منصوبے کا افتتاح کردیا گیا، پچاس لاکھ روپے سے زائد مالیت کے اس منصوبے کے لیے آٹھ کلو میٹر سے 4 انچ پائپ کی لائن بچھائی کی گئی، جس سے ہزاروں لوگ مستفید ہوں گے، جن 6 دیہاتوں کے لوگ فوری طور پر مستفید ہوں گے ان میں پنل کی ڈھانی، مچسن کی ڈھانی، اجسان کی ڈھانی، سیکھاریو حاجی عمر، سیکھاریو حاجی بھینڈو اور مھندرانی شامل ہیں۔ اس موقع پر بیت السلام کے شعبہ فراہمی غذا نے سینکڑوں خاندانوں کے لیے راشن اور پکا پکایا کھانا تقسیم کرنے کا انتظام کیا گیا۔
