کراچی (رپورٹ: ذیشان حسین) پی ایس ایل کی اختتامی تقریب شروع ہونے سے پہلے سٹیڈیم میں ایک منٹ کی خاموشی اختیار کی گئی۔ پی ایس ایل سیزن فور کی رنگا رنگ اختتامی تقریب کا نیشنل سٹیڈیم کراچی میں آغاز ہوا۔ تقریب کا آغاز ہونے سے پہلے میزبان فخر عالم نے گراﺅنڈ میں موجود تماشائیوں سے درخواست کی کہ وہ اپنی نشستوں پر کھڑے ہوجائیں۔ تماشائیوں کے کھڑے ہونے کے بعد سانحہ کرائسٹ چرچ کی یاد میں ایک منٹ کی خاموشی اختیار کی گئی۔
