لندن (نوپ نیوز) ڈائریکٹر جنرل آئی ایس پی آر میجر جنرل آصف غفور باجوہ نے کہا ہے کہ بھار ت نے ایک سرجیکل اسٹرائیک کی تو پاکستان 10کرے گا- جس ملک کی فوج مضبوط نہ ہو وہ ٹوٹ جاتا ہے۔ پاک فوج جمہوریت کی مضبوطی چاہتی ہے۔ برطانیہ میں صحافیوں سے گفتگو کرتے ہوئے ڈی جی آئی ایس پی آر میجر جنرل آصف غفور باجوہ نے کہا کہ سی پیک سے پاکستان کی معیشت مضبوط ہوگی- پاک فوج سی پیک کی محافظ ہے۔ ڈی جی آئی ایس پی آر نے کہا کہ آج کا پاکستان ماضی سے بہتر ہے۔ قومی یکجہتی سے بہتر کوئی چیز نہیں۔ ہم اچھے حالات کی جانب گامزن ہیں۔ انہوں نے کہا کہ پاک فوج سب سے منظم ادارہ ہے- پاک فوج کی طرح دیگر اداروں کو بھی مضبوط ہونا چاہیے۔ میجر جنرل آصف غفور نے کہا کہ انسداد دہشت گردی پولیس کا کام ہے- پاک فوج پندرہ سال سے دہشت گردی کی روک تھام کیلئے کام کر رہی ہے۔ انہوں نے مزید کہا کہ دہشت گردوں کو عدالتوں میں سزائیں ملنی چاہئیں تھیں- چار سال میں جوڈیشل ریفارمز کیوں نہیں ہوئے؟
