کراچی (رپورٹ: ذیشان حسین) کورونا وائرس پر احتیاطی تدابیر کے باعث پیپلز پارٹی نے اتوار کو گھوٹکی میں خواتین کا جلسہ منسوخ کر دیا ہے۔ جلسے سے پیپلز پارٹی کے چیئرمین بلاول بھٹو زرداری نے خطاب کرنا تھا۔ تفصیلات کے مطابق کرونا وائرس کے خدشات کے بعد پیپلز پارٹی نے پارٹی کے عوامی اجتماعات کو محدود کردیا ہے۔ پارٹی زرائع کا کہنا ہے کہ پیپلز پارٹی نے 15 مارچ کو گھوٹکی میں خواتین کا اجتماع منسوخ کر دیا ہے۔ گھوٹکی میں خواتین کے اجتماع سے چئیرمین پیپلز پارٹی بلاول بھٹو زرداری نے خطاب کرنا تھا۔ پیپلز پارٹی کی قیادت نے لاڑکانہ جلسے کو بھی محدود کرنے پر غور شروع کردیا ہے۔ زوالفقار علی بھٹو کی برسی پر 4 اپریل کو جلسے کا اعلان کیا گیا ہے۔
