راولپنڈی (بیورو رپورٹ) راولپنڈی پولیس کی بڑی کاروائی، مورگاہ پولیس نے چوری اور سنیچنگ کی وارداتوں میں ملوث گینگ کا سرغنہ ساتھی سمیت گرفتار کرلیا، پولیس ملزمان آئی ٹی کریمنلز ہیں اور موبائل فونز کے آئی ایم ای آئی تبدیل کرنے میں مہارت رکھتے ہیں، ملزم حبیب گھروں سے قیمتی اشیاء، موبائل فون، نقدی وغیرہ چوری کرنے کے علاوہ سنیچنگ کی وارداتوں میں بھی ملوث ہے، ملزم حبیب مسروقہ اور چھینے گئے موبائل اپنے ساتھی ناصر کو دیتا، جو موبائلز کے آئی ایم ای آئی نمبر تبدیل کردیتا، ملزم حبیب کی نشاندہی پر جدید سائنٹیفک طریقہ سے تفتیش کرتے ہوئے ملزم ناصر کو گرفتار کیا گیا، ملزمان سے گاڑی، موٹرسائیکل، ایل سی ڈیز، نقدی، پرنٹر، لیپ ٹاپ، متعدد موبائل فون، ڈیجیٹل ڈی وائسز، مختلف کمپنیوں کی متعدد سمیں، یو ایس بیز اور دیگر قیمتی اشیاء برآمد ہوئیں، گرفتار ملزمان دیگر ملزمان سے مسروقہ موبائلز لے کر ان کے آئی ایم ای آئی نمبرز تبدیل کرتے جس سے وارداتوں کی ٹریسنگ میں مشکل پیش آتی، ایس پی پوٹھوہار کا کہنا ہے کہ سی پی او راولپنڈی محمد احسن یونس کا ملزمان کے ساتھیوں اور سہولت کاروں کو گرفتار کر نے کا حکم دیا تھا۔
