عمرکوٹ (رپورٹ: ایم ہاشم شر) پاکستان پیپلز پارٹی کے چیئرمین بلاول بھٹو زرداری کی وزیر اعلیٰ سندھ سید مراد علی شاہ کے ہمراہ عمرکوٹ کے قریب گاؤں کھاروڑو سید آمد، چیئرمین بلاول بھٹو زرداری نے سید علی مردان شاہ کے اہل خانہ سے اظہار تعزیت کیا، چیئرمین بلاول بھٹو زرداری کا علی مردان شاہ کے انتقال پر حلقے میں رہنے والے عوام سے بھی اظہار افسوس کیا، چیئرمین بلاول بھٹو زرداری نے علی مردان شاہ کے ایصال ثواب کے لئے فاتحہ خوانی کی، دعاۓ مغفرت بھی کی، بلاول بھٹو نے اس موقع پر کہا علی مردان شاہ سندھ کی سیاست کا ایک روشن باب تھے، علی مردان شاہ کی سیاست عام آدمی کی سیاست تھی، پاکستان پیپلز پارٹی علی مردان شاہ کی خدمات کو کبھی فراموش نہیں کرسکے گی۔
