کراچی (نوپ نیوز) روشنیوں کا شہر کراچی ایک مرتبہ پھر تاریکی میں ڈوب گیا- ایک ہفتے کے دوران بجلی کا دوسرا بڑا بریک ڈاون نیشنل گرڈ اسٹیشن سے سے کراچی کو مہیا کی جانے والی بجلی منقطع ہوگئی- بجلی کے اس تعطل کی وجہ سے دھابیجی پمپنگ اسٹیشن کی 72 انچ قطر کی پائپ لائن پھٹ گئی جبکہ لانڈھی، ملیر، کورنگی، شاہ فیصل کالونی، ایئر پورٹ، گلستان جوہر، ٹاور، کھارادر ناظم آباد، اورنگی ٹاؤن اور بلدیہ ٹاؤن کے علاقے بجلی سے محروم- جبکہ ترجمان کے الیکٹرک نے کہا ہے کہ شہر کے مختلف علاقوں میں بحالی کا عمل شروع ہوچکا ہے گلشن، ایف بی ایریا، لیاقت آباد میں بجلی کی فراہمی شروع کر دی گئی ہے جبکہ شہر کے دیگر متاثرہ علاقوں میں بحالی کا عمل جاری ہے۔
