کراچی (رپورٹ: ذیشان حسین) سندھ ٹینس ایسوسی ایشن 13 نومبر بروز ہفتہ سے یونین کلب کراچی میں 64 ویں سندھ اسپورٹس بورڈ میں ایس ٹی اے ڈیولپمنٹ سیریز سندھ رینکنگ ٹینس چیمپئن شپ کا انعقاد کرے گی۔ محکمہ کھیل حکومتِ سندھ اس باوقار چیمپئن شپ کو سپانسر کر رہا ہے، پاکستان سافٹ ٹینس ایسوسی ایشن اور پیرا اسپورٹس پاکستان تکنیکی معاونت فراہم کر رہے ہیں۔ ایونٹس میں۔ مینز سنگلز، مینز ڈبلز، جونیئرز 17 سنگلز، انڈر 15 سنگلز اور ڈبلز، انڈر 13 سنگلز، انڈر 11 سنگلز، انڈر 9 سنگز وہیل چیئر مینز سنگلز، سافٹ ٹینس مینز سنگلز، سافٹ ٹینس لیڈیز سنگلز، بیچ ٹینس مینز سنگز بیچ ٹینس لیڈیز سنگز، انڈر 9 سنگلز مِنی کورٹ پر تبدیل شدہ گرین ڈاٹ بالز کے ساتھ کھیلے جائیں گے۔ بیچ ٹینس ایونٹس اتوار 14 نومبر کو کلفٹن بیچ میں کھیلے جائیں گے۔ بیچ ٹینس کا سامان انٹرنیشنل ٹینس فیڈریشن کے ذریعے پی ٹی ایف کو بھیجا جاتا ہے۔ بیچ ٹینس کا سامان بنانے والی دنیا کی مشہور کمپنی سنڈیور نے بیچ ٹینس کا سامان سپانسر کیا ہے۔ تمام غیر مقامی کھلاڑی ایس ٹی اے قوانین کے مطابق ٹریولنگ اور ڈیلی الاؤنس کے حقدار ہوں گے۔ داخلے کی آخری تاریخ 11 نومبر شام 5 بجے ہے۔ کھلاڑی اپنی انٹری محمد خالد رحمانی، (ریفری) کو واٹس ایپ نمبر 03003607209 پر بھیج سکتے ہیں۔ گلزار فیروز آرگنائزنگ کمیٹی کے صدر، محمد خالد رحمانی، ٹورنامنٹ ڈائریکٹر اور ریفری، خالد شمسی اور ڈاکٹر نادیہ رزاق، نائب صدور، سرور حسین، آرگنائزنگ سیکرٹری، قدسیہ راجہ، چیف آف امپائرز اور اسسٹنٹ ریفری، عشرت زہرہ میڈیا کوآرڈینیٹر ہیں۔ فرحہ ریاض، پروین اختر، عباد سرور، ارم بخاری، یمنہ ملک، عدیل خان اور افشاں فاطمہ ممبرز ہیں۔
