تڈی دل میرپورخاص پہچ گئی تحصیل جھڈو، سندھڑی اور حسین بخش مری میں تڈی دل نے تباہی مچادی ھاری مزدور اپنی مدد آپ تڈی دل کو بھگانے کے لئے برتن بجاکر شور کرنے لگے

میرپورخاص (رپورٹ: ایم ہاشم شر) ضلع تھر پارکر عمرکوٹ اور اپر سندھ کے بعد بڑی تعداد میں تڈی دل کے لشکر میرپورخاص میں داخل ہو رہے ہیں، تحصیل سندھڑی، تحصیل جھڈو کے بعد اب تحصیل حسین بخش مری اور میرپورخاص شہر کے علاقے کوس گھر، شوگر مل کے قریب بڑی تعداد میں گندم آموں کے باغات سبزیوں سمیت دیگر فصل پر تڈی دل کا حملہ ہوا ہے۔ مقامی آبادگاروں اور ہاریوں نے بار بار حکومت اور ضلعی انتظامیہ سے تڈی دل کے خاتمے کی اپیل کی مگر عمل درآمد نہ ہونے کے بعد مایوس ہوکر اپنی مدد آپ برتن ہاتھوں میں اٹھاکر شور شرابہ کرکے تڈی دل کو بگھانے کی کوشش کر رہے ہیں لیکن اسکے باوجود بھی تڈی دل نے گندم کی نئی بوئی ہوئی فصل، سبزیوں کی فصل اور آموں کے باغات پر حملہ کرکے تباہ کر رہی ہیں۔