میرپورخاص (رپورٹ: ایم ہاشم شر) ڈی آئی جی میرپورخاص رینج ثاقب اسماعیل میمن کی ہدایات اور قائم مقام ایس ایس پی ضلع میرپورخاص احمد عبداللہ کے خاص احکامات کی روشنی میں ضلع میرپور خاص میں ٹریفک نظام میں بہتری لانے اور ٹریفک قوانین کی خلاف ورزی کرنے والے افراد کے خلاف ایکشن لیا گیا اور ان کو فوری طور پر چالان کیا گیا، جبکہ ٹریفک قوانین کی پاسداری و عوامی سہولت کو مدنظر رکھتے ہوئے، بریک لائٹس نہ ہونے والے گاڑیوں (ٹریکٹر ٹرالی، گدھا گاڑیوں اور چنگچی رکشہ) میں چمک پٹی لگائی گئی، ٹریفک قوانین کی خلاف ورزی پر 16 مختلف گاڑیوں کے چالان کیے گئے اور مجموعی طور پر 6,500 روپے کے جرمانے کیئے گئے، جبکہ جرمانے کی رقم قومی خزانے میں جمع کرائی گئی۔
