لاڑکانہ (نوپ نیوز) لاڑکانہ میں ایک اور انسانیت سوز واقعہ پیش آیا ہے جس میں سندھ حکومت اور انتظامیہ کے دعووں کی پول ایک مرتبہ پھر کھل کر سامنے آگئی ہے تفصیلات کے مطابق لاڑکانہ میں 8 سالہ بچے پر کتوں کے جھنڈ نے حملہ کردیا اور بچے کے چہرے اور سر کو کتوں نے بیدردی کے کھایا بچے کو شدید زخمی حالت میں ہسپتال منتقل کیا گیا اور شہر بھر کے تمام ڈاکٹروں نے بچے کا طبی معائینہ کیا مگر اطلاعات ہیں کہ ڈاکٹروں نے بھی بچے کی جان بچانے کے حوالے سے ہاتھ کھڑے کردیے ہیں المیہ ہے کہ سندھ بھر میں آوارہ کتے بچوں، خواتین اور بزرگوں کو روزانہ اپنا شکار بنا رہے ہیں مگر اب تک سندھ حکومت نے کتا مار مہم پر سنجیدگی سے عمل نہیں کیا ہے۔ جانوروں کے حقوق کے علمبردار انسانی حقوق کو مسلسل پامال کر رہے ہیں بچے کی ویڈیو اور تصاویر کو ہم اپنے قارئین کے لئے اشتراک نہیں کر سکتے ہیں۔ انسانیت بھی شرما رہی ہے وزیر اعلی سندھ اور وزیر صحت سندھ پر کہ بچے کتوں کا شکار بن رہے ہیں اور کان پر جوں تک نہیں رینگ رہی ہے۔ سندھ کے لوگ کتوں اور مچھروں کا شکار ہوکر اپنی قیمتی جانوں سے ہاتھ دھو رہے ہیں۔
