کراچی (رپورٹ: ذیشان حسین) داؤد انجینئرنگ یونیورسٹی میں سندھی طلباء سے ناروا سلوک کیے جانے پر مہران انجینئرنگ فورم کی جانب سے کراچی پریس کلب کے باہر احتجاج کیا گیا- طلباء نے اس موقع پر الزام عائد کیا کہ داود انجینئرنگ یونیورسٹی کی انتظامیہ سندھی زبان بولنے والے طالبعلموں کے ساتھ انتہائی تعصب برت رہی ہے اور اس کے خلاف احتجاج کرنے والوں کو مختلف طریقوں سے ہراساں کیا جارہا ہے ،انہوں نے ارباب اختیار سے اپیل کی ہے کہ مذکورہ صورتحال کو نوٹس لیتے ہوئے ذمے داران کے خلاف کارروائی عمل میں لائی جائے-
