لوئر کوہستان (رپورٹ: عتیق سلیمانی) ایس آئی تھانہ دوبیر وقار علی کو انسپکٹر کے عہدہ پر ترقی دے دی گئی۔ ایس آئی تھانہ دوبیر وقار علی کو انسپکٹر کے عہدہ پر بیجز لگانے کے لیے تقریب کا انعقاد کیا گیا۔ ڈی پی او لوئر کوہستان محمد سلیمان خان، ڈی ایس پی ہیڈ کوارٹر محمد ریاض خان اور ڈی ایس پی سرکل پٹن اورنگزیب خان نے وقار علی کو انسپکٹر پروموٹ ہونے پر بیجز لگائے۔ ڈی پی او لوئر کوہستان نے ایس آئی تھانہ دوبیر کو پروموٹ ہونے پر مبارکباد دیتے ہوئے کہا کہ جرائم کی روک تھام اور عوامی اعتماد کی بدولت آپ کو محکمہ میں انسپکٹر کے عہدے پر پروموٹ کیا گیا ہے جو کہ آپ کی محکمانہ خدمات کا ثمر ہے۔ آپ آنے والے دنوں میں بطور انسپکٹر اپنی کارکردگی میں مزید نکھار لائیں۔ ہم سب آپ کو لوئر کوہستان پولیس کے جملہ افسران کی جانب سے مبارکباد پیش کرتے ہیں اور آپ کے مستقبل کے لئے نیک تمناؤں کا اظہار کرتے ہیں۔
