گجرات، (رپورٹ، مرزا عادل رحمان) اسسٹنٹ کمشنر گجرات عبدالقدیر زرکون کی ہدایات پر محکمہ تحفظ ماحولیات، آر ٹی اے اور ٹریفک پولیس کے اشتراک سے گاڑیوں کا مشترکہ معائنہ کیا گیا۔ کارروائی کا مقصد دھویں کے اخراج اور گاڑیوں کے فٹنس سرٹیفکیٹس کی جانچ کے ذریعے فضائی آلودگی کی روک تھام اور حکومتی پالیسی پر عملدرآمد یقینی بنانا تھا۔
معائنے کے دوران معمولی خلاف ورزیوں پر گاڑیوں کے چالان کیے گئے، جبکہ زیادہ دھواں چھوڑنے والی اور بغیر فٹنس سرٹیفکیٹ کے چلنے والی ایک گاڑی کو تحویل میں لے لیا گیا انتظامیہ کے مطابق فضائی آلودگی کا باعث بننے والی اور غیر فٹ گاڑیوں کے خلاف کارروائی کا سلسلہ جاری رہے گا۔
