لاہور، (نوپ اسپورٹس رپورٹر) پاکستان فٹبال فیڈریشن نے آذربائیجان میں ہونے والے فیفا انڈر 15 ورلڈ کپ اینڈ فیسٹیول 2026 کی تیاریوں کے سلسلے میں قومی انڈر 15 ٹیم کے کیمپ کے لیے 21 ممکنہ کھلاڑیوں کے ناموں کا اعلان کردیا قومی تربیتی کیمپ 6 اکتوبر سے لاہور میں شروع ہوگا، جہاں نوجوان کھلاڑیوں کی صلاحیتوں اور کارکردگی کا جائزہ لیا جائے گا۔
کیمپ کے لیے منتخب ممکنہ کھلاڑیوں میں احمد زاہد اللہ خان، عامر حمزہ، بخشی حمال خان، دانش مسیح، حسن زیب خان، الہان علی خان، کلیم اللہ، مقبول احمد، محمد عالم، محمد معاز عدنان، محمد مصطفیٰ، محمد سلمان، اویس فیض، رمیز رضا، ساحل خان، سمیر عبدالصمد، شہراز خان، شہزیب نواز، شایان عبدالجبار مروت، زین العابدین اور ذوالنورین شامل ہیں۔ کوچنگ اسٹاف کی جانب سے کیمپ کے دوران کھلاڑیوں کی کارکردگی کا تفصیلی جائزہ لیا جائے گا اور آذربائیجان میں عالمی ایونٹ کے لیے قومی ٹیم کی تیاریوں کو حتمی شکل دینے کا عمل آگے بڑھایا جائے گا۔
