پشاور (رپورٹ: اصغر خان) ضلعی انتظامیہ پشاور کا صدر کے مختلف بازاروں میں میگا مالز، بڑے سٹوروں، دوکانوں و گوداموں کا معائنہ۔ 300 کلوگرام پولی تھین پلاسٹک شاپنگ بیگ سرکاری تحویل میں لے لیے گئے۔ ڈپٹی کمشنر پشاور محمد علی اصغر کی ہدایت پر ایڈیشنل اسسٹنٹ کمشنر (کینٹ) گلشن آرا کی محکمہ ماحولیات کے افسران کے ہمراہ صدر میں میگا مالز، بڑے سٹوروں، دوکانوں و گوداموں کا معائنہ۔ معائنے کے دوران ایک گودام سے 300 کلو پولی تھین پلاسٹک بیگز کو سرکاری تحویل میں لے لیا گیا۔ بڑے سٹوروں، میگا مالز سے اور دیگر دکانوں سے پلاسٹک بیگز کو اکٹھا کر کے تجزیے کے لیے لیبارٹری بجھوا دیا گیا۔ لیبارٹری رپورٹ آنے پر مزید کاروائی عمل میں لائی جائے گی۔ گودام مالک کے خلاف قانونی کاروائی عمل میں لائی جائے گی۔ ڈپٹی کمشنر پشاور محمد علی اصغر نے متنبہ کیا ہے کہ اگرکسی بھی دکان، سٹور یا دیگر جگہوں پر پولی تھین پلاسٹک بیگز پائے گئے تو ان کے خلاف سخت کاروائی عمل میں لائی جائے گی۔ پولیتھین پلاسٹک شاپنگ بیگ پر صوبائی حکومت نے پابندی عائد کی ہوئی ہے۔ ضلعی انتظامیہ پشاور صوبائی حکومت کے احکامات کی روشنی میں پلاسٹک شاپنگ بیگ کے خلاف کاروائیوں میں مصروف ہے۔ پلاسٹک پولیتھین بیگز کے خاتمے تک کاروائیاں جاری رہیں گی۔
