نوشہرہ (رپورٹ: اصغر خان) نوشہرہ اکوڑہ پولیس کی کامیاب کاروائی۔ سموسے فروخت کرنے والے 12سالہ لڑکے کیساتھ زیادتی کرنے والا ملزم 24 گھنٹوں میں گرفتار۔ اکوڑہ تارخیل کے ایک محنت کش نے پولیس کو اپنے 12 سالہ بیٹے کے ساتھ بد فعلی کی رپورٹ درج کی۔ ڈسٹرکٹ پولیس افیسر کیپٹن (ر) منصور امان نے اس واقیعے کا نوٹس لیتے ہوئے ڈی ایس پی احسان شاہ اور ایس ایچ او اکوڑہ اسماعیل شاہ کو جلد از جلد ملزم کی گرفتاری کے احکامات جاری کئے۔ اسماعیل شاہ خان نے ملزم کی گرفتاری کیلئے ٹیمیں تشکیل دیکر فوری طور پر ملزم کی گرفتاری کیلئے مختلف جگہوں پر چھاپے لگائے۔ 24 گھنٹوں کے اندر اندر ملزم دوست محمد ولد ایوب ساکن تارخیل کو گرفتار کرکے تفتیش کیلئے تھانہ منتقل کر دیا گیا۔
