فیصل آباد (بیورو رپورٹ) فیصل آباد میں پولیس نے اغوا ہونے والا آٹھ ماہ کا بچہ بازیاب کروا کر خاتون کو گرفتار کرلیا۔ تفصیلات کے مطابق فیصل آباد پولیس نے نشاط آباد سے اغواء ہونے والا آٹھ ماہ کا بچہ بحفاظت بازیاب کروالیا۔ تھانہ ملت ٹاؤن پولیس نے اغواء کار خاتون کو بھی حراست میں لے لیا۔ بچے کی باحفاظت بازیابی پر اہل خانہ خوشی سے نہال ہوگئے۔ پولیس نے خاتون کے خلاف مقدمہ درج کر کے کارروائی کا آغاز کر دیا ہے۔
