کراچی (رپورٹ: ذیشان حسین) کاروباری ہفتے کے تیسرے روز پاکستان اسٹاک ایکسچینج میں زبردست تیزی دیکھنے میں آئی جہاں ہنڈریڈ انڈیکس نے 35 ہزار کی نفسیاتی حد کو عبور کرلیا۔ تفصیلات کے مطابق کاروباری ہفتے کے تیسرے روز پاکستان اسٹاک ایکسچینج میں کاروبار کا زبردست تیزی سے آغازہوا جہاں نو سو پچاس پوائنٹس اضافے سے ہنڈریڈ انڈیکس نے پینتیس ہزار کی حد عبور کرلی۔ اس وقت کرنٹ انڈیکس میں پینتیس ہزار آٹھ سو ننانوے پوائنٹس کی سطح پر ٹریڈ جاری ہے۔ گزشتہ روز مارکیٹ سات سو اڑتالیس پوائنٹس کی کمی سے چونتیس ہزار نو سو اننچاس پر بند ہوئی تھی۔
