میرپورخاص (رپورٹ: ایم ہاشم شر) ایس ایچ او سیٹلائٹ ٹاؤن اور انچارج ڈی آئی سی کی مشترکہ کاروائی، لاپتہ بچہ برآمد۔ تفصیلات کے مطابق مورخہ 15 مئی کو ایک بچہ بنام مسحف کنبھار سکنہ ڈینگان بھرگڑی تھانہ سیٹلائٹ ٹاؤن کی حدود سے لاپتہ ہوگیا تھا، جس کے بعد ایس ایس پی میرپورخاص جاوید بلوچ نے واقعہ کا فوری نوٹس لیتے ہوئے ایس ایچ او سیٹلائٹ ٹاؤن کو بچے کی برآمدگی کے احکامات جاری کئے تھے، ایس ایچ او سیٹلائٹ ٹاؤن اور انچارج ڈی آئی سی نے بچے کے فون ریکارڈ کی جانچ پڑتال اور مشترکہ کوششوں سے بچے کو روہڑی سے برآمد کرلیا، بچے کے مطابق وہ غلطی سے روہڑی چلا گیا تھا، بعد ازاں بچے کو ورثاء کے حوالے کیا گیا۔
