موریشس/ پورٹ لوئیس (رپورٹ: محمّد عمر) پاکستان ہائی کمیشن موریشس نے یوم پاکستان کی مناسبت سے ایک تقریب کا انعقاد سر عبدلرازق محمّد ہال واکوا فینکس میں کیا گیا جس میں موریشس کے قائم مقام صدر، نائب صدر، وزیر اعظم، نائب وزیر اعظم، اور وفاقی کابینہ کے وزراء کے علاوہ غیر ملکی سفارتکاروں، تعلیمی، سیاسی، سماجی، ادبی، تاجر برادری اور ذرائع ابلاغ کے نمائندگان نے بھی شرکت کی۔ یوم پاکستان انتہائی جوش و خروش سے منایا گیا اس موقع پر دونوں ممالک نے مل جل کر ترقی کی راہ میں ایک دوسرے کے ساتھ باہمی تعاون دینے پر زور دیا اور بات چیت کی۔ تقریب کو پاکستانی پرچموں سے سجایا گیا جبکہ چھت پر موریشس کے جھنڈے بھی نمایاں تھے۔ تقریب کے آخر میں پرتکلف عشائیہ بھی دیا گیا۔
