سیالکوٹ (رپورٹ: نزہت شہناز) سیالکوٹ تھانہ حاجی پورہ پولیس اور اہل محلہ کی بروقت کاروائی۔ پانچ سالہ بچی کو اغوا کرنے والا ملزم گرفتارکرلیا۔ مومنہ گھر سے پنسل لینے کے لئے گئی پھر واپس نہ آئی۔ سی سی ٹی وی کیمرے کے مدد سے اہل علاقہ اپنی مدد آپ کے تحت ڈھونڈنے لگے۔ فوٹیج میں بچی کو اغوا کرکے لے کر جاتے دیکھا جا سکتا ہے، حاجی پورہ کا رہائشی اویس نامی شخص بچی کو بہلا پھسلا کر موٹر سائیکل پر بٹھا کر لے گیا۔ مغویہ بچی کے والد بتایا کہ خواجہ صفدر روڈ پر واقع پارک کے قریب سے اہل علاقہ نے اویس کو پہچان کر پکڑ لیا اورحاجی پورہ پولیس کو اطلاع کی ایس ایچ او ذولفقار چھٹہ تھانہ حاجی پورہ کی ہدایت پر سب انسپکٹر فاروق نے بروقت کاروائی کرتے ہوئے ملزم کو گرفتار لیا مقدمہ درج کر کےتفتیش شروع کر دی ہے۔
