ٹنڈو آدم (رپورٹ: رضوان احمد غوری) ٹنڈو آدم سٹی تھانے کے ایس ایچ او کی تبدیلی کے ساتھ ہی تالہ توڑ گروپ سرگرم پرانی سبزی منڈی میں واقع ٹرانسپورٹر کی دکان کے تالے توڑ کر قیمتی سامان چوری کرکے فرار۔ تفصیلات کے مطابق ٹنڈو آدم سٹی تھانے کے ایس ایچ او سہیل خاصخیلی کے تبادلے کے ساتھ ہی ٹنڈو آدم شہر میں تالہ توڑ گروپ ایک بار پھر سرگرم ہوگیا اطلاعات کے مطابق اسٹیشن روڈ پر واقع پرانی سبزی منڈی میں واقع رانا سرفراز نامی شخص کے گڈز ٹرانسپورٹر آفس میں نامعلوم افراد تالہ توڑ کر آفس کا قیمتی سامان اور دکان میں رکھے ہزاروں روپے چوری کر کے فرار ہوگئے متاثرہ دوکاندار کے مطابق ایک ہفتے قبل منڈی میں واقع جمن خاصخیلی کی اسپئیر پارٹس کی دکان کے تالے توڑنے کا واقع رونماء ہوچکا ہے پولیس کے مطابق تالہ توڑ گروپ کو پکڑنے کے لیے پولیس ٹیم تشکیل کردی گئی ہے جلد چوروں کو گرفتار کرلیا جائے گا۔
