میرپورخاص (رپورٹ: ایم ہاشم شر) میرپورخاص میونسپل کمپلیکس کے سامنے تجاوزات کے خلاف جاری آپریشن میں دکاندار سڑکوں پر آگئے- احتجاج، تجاوزات کے خاتمے کے نام پر ہمارے گھروں کے چولہے ٹھنڈے کردیئے گئے ہیں- ہمیں بغیر نوٹس دیئے آپریشن شروع کیا گیا ہے- تاجر تنظیم رہنماؤں کا کامران میمن کی سربراہی میں بلدیہ کمپلیکس کے سامنے احتجاج- مظاہرین نے احتجاج کے دوران کہا کہ ہم کو تعصب کا شکار کیا گیا ہے بغیر نوٹس کے ہماری دکانوں کو مسمار کیا جا رہا ہے ہم نے صرف یہ ہی مطالبہ کیا ہے کہ ہم کو نوٹس دکھا دیں کہ آپ نے پیشگی اطلاع دی مگر حکام نے بغیر نوٹس کے توڑ پھوڑ کا عمل شروع کردیا اگر ہماری دکانیں ناجائز تجاوزات میں آتی ہیں تو ہم کو کوئی اعتراض نہیں ہے مگر بغیر اطلاع کے آکر دکانوں کو مسمار کرنا یہ انصاف نہیں ہے. تاجر رہنماؤں کا کہنا تھا کہ بہت جلد ہم آئندہ کے لائحہ عمل کا اعلان کریں گے
