پشاور / اسلام آباد (بیورو رپورٹ) افغانستان میں قتل ہونے والے ایس پی طاہر خان داوڑ کے بھائی نے بہیمانہ قتل کی تحقیقات کے لیے قائم 7 رکنی جے آئی ٹی کو مسترد کردیا ہے۔ نجی ٹی وی کے مطابق بھائی احمدالدین داوڑ نے کہا کہ وہ پاکستان میں بننے والی جے آئی ٹی کو مسترد کرتے ہیں۔ انہوں نے کہا کہ ان کے بھائی حساس شہر سے لاپتہ ہوئے اور ان کی لاش افغانستان میں ملی۔ اس لیے اس کیس میں ایک ملک نہیں بلکہ دو ممالک ملوث ہیں- جب دو ممالک کا معاملے سے تعلق ہو تو فیصلہ بھی عالمی سطح پر کیا جانا چاہیے اور کیس کی نوعیت کو نظر میں رکھتے ہوئے تحقیقات کے لیے بین الاقوامی جے آئی ٹی تشکیل دی جانی چاہیے
