راولپنڈی (بیورو رپورٹ) سابق چیف جسٹس سعید الزماں کے پلاٹ پر قبضے اور اہل خانہ پر فائرنگ کرنے والے ملزمان کے خلاف مقدمہ درج کرلیا گیا۔ راولپنڈی میں تھانہ مری پولیس نے سابق چیف جسٹس پاکستان سعید الزماں صدیقی کی اہلیہ پر فائرنگ، انہیں حبس بیجا میں رکھنے اور ان کے پلاٹ پر قبضے کا مقدمہ درج کرلیا ہے۔ پولیس کے مطابق سابق چیف جسٹس کی اہلیہ ڈاکٹر اشرف سعید الزمان کی مدعیت میں ایف آئی آر درج کی گئی جس میں اقدام قتل، پلاٹ پر قبضہ کرنے، حبس بیجا میں رکھنے، نقصان پہنچانے اور دیگر دفعات شامل کی گئی ہیں جب کہ عرفان اللہ کنڈی، عنایت الله اور تین نامعلوم ملزمان کو نامزد کیا گیا ہے
