ماتلی (رپورٹ: ندیم کشمیری) چیٸرمین ٹاٶن کمیٹی صدیق خاصخیلی اور واٸس چیٸرمین مختیار میمن سمیت کونسلر، مختیار کھوسہ اور اشرف کی قیاوت میں ٹاؤن کمیٹی کےدرجنوں ملازمین نے دو ماہ سے تنخواہیں نہ ملنے کےخلاف میونسپل کمیٹی ماتلی کے چیٸرمین عبدلرٶف نظامانی کے خلاف احتجاجی مظاہرہ کیا۔ملازمین چیٸرمین میونسپل ماتلی کو ہٹانےکا مطالبہ کررہے تھے۔ بعد ازاں ٹنڈو غلام علی کی بلدیاتی قیادت نےایک پر ہجوم پریس کانفرنس سے خطاب کرتے ہوئےکہا کہ ٹاؤن کمیٹی ٹنڈو غلام علی کا صرف ترقیاتی بجٹ الگ ہوا ہے جبکہ تنخواہوں کی اداٸیگی کے لٸے ہم ماتلی بلدیہ کے محتاج ہیں۔ انہوں نے کہا کہ ماتلی چیٸرمین ہر ماہ تنخواہوں کا فنڈ جاری کرنے کے سلسلے میں بہت پریشان کرتا ہے۔ انہوں نے کہا کہ ملازمین کی سیلری کو میونسپل ماتلی کے اکاؤنٹ سے الگ کرکے براہ راست ٹاؤن کمیٹی ٹنڈو غلام علی کے اکاؤنٹ سے ادائیگی ممکن بنائی جائے۔ انہوں نے مزید کہا کہ ہماری بلدیہ کے ریٹاٸرڈ ملازمین کو گزشتہ ڈیڑھ سال سے پنشن نہیں ملی ہے جس کے باعث ان کے گھروں میں نوبت فاقہ کشی تک جا پہنچی ہے۔ انہوں نے بتایا کہ پنشن سے محروم ایک ریٹاٸرڈ ملازم نے تو پنشن نہ ملنے کی صورت میں خود کشی کی دھمکی بھی دی ہے-
