کراچی، (رپورٹ، ذیشان حسین/اسپورٹس رپورٹر) 35ویں نیشنل گیمز میں پاکستان آرمی نے شاندار کارکردگی کا سلسلہ برقرار رکھتے ہوئے 48 گولڈ میڈلز کے ساتھ میڈلز ٹیبل پر اپنی برتری مزید مستحکم کر لی ہے واپڈا 14 گولڈ میڈلز کے ساتھ دوسرے جبکہ پاکستان نیوی سات گولڈ میڈلز کے ساتھ تیسرے نمبر پر موجود ہے۔
پانچویں روز تک مجموعی طور پر 78 گولڈ، 76 سلور اور 116 برانز میڈلز کا فیصلہ ہو چکا ہے میڈلز ٹیبل کے مطابق پاکستان آرمی 46 گولڈ، 15 سلور اور 11 برانز میڈلز کے ساتھ سرفہرست ہے جبکہ واپڈا 14 گولڈ، 8 سلور اور 11 برانز میڈلز کے ساتھ دوسری پوزیشن پر ہے پاکستان نیوی سات گولڈ، آٹھ سلور اور 10 برانز میڈلز کے ساتھ تیسرے نمبر پر قائم ہے۔
ایئر فورس چار گولڈ، چھ سلور اور پانچ برانز کے ساتھ چوتھے، ایچ ای سی تین گولڈ، 10 سلور اور 15 برانز کے ساتھ پانچویں جبکہ خیبر پختونخوا دو گولڈ، تین سلور اور 12 برانز میڈلز کے ساتھ چھٹے نمبر پر ہے پنجاب ایک گولڈ، 13 سلور اور 16 برانز کے ساتھ ساتویں اور سندھ ایک گولڈ، چھ سلور اور 10 برانز میڈلز کے ساتھ آٹھویں پوزیشن پر ہے۔
بلوچستان نے پانچ سلور اور پانچ برانز میڈلز حاصل کیے جبکہ پولیس، گلگت بلتستان اور آزاد جموں و کشمیر نے بالترتیب آٹھ، آٹھ اور ایک برانز میڈل اپنے نام کیا۔ اسلام آباد کا دستہ تاحال پہلے میڈل کا منتظر ہے۔
