کراچی، (رپورٹ، ذیشان حسین) اسپیکر سندھ اسمبلی سید اویس قادر شاہ نے وینزویلا میں آنے والے زلزلے کے نتیجے میں ہونے والے جانی نقصان پر گہرے دکھ اور افسوس کا اظہار کرتے ہوئے متاثرہ خاندانوں سے دلی ہمدردی اور تعزیت کا اظہار کیا ہے۔
اپنے بیان میں اسپیکر سندھ اسمبلی نے کہا کہ اس مشکل گھڑی میں سندھ اور پاکستان کے عوام وینزویلا کی حکومت اور عوام کے ساتھ کھڑے ہیں۔ انہوں نے زلزلے میں زخمی ہونے والوں کی جلد صحت یابی اور متاثرہ افراد کی بحالی کے لیے دعا کرتے ہوئے جاں بحق افراد کے درجات کی بلندی کے لیے بھی نیک تمناؤں کا اظہار کیا۔
