ملتان (بیورو رپورٹ) سیاسی و سماجی شخصیت راؤ محمد خالد نے کہا ہے کہ 1947 میں تقسیم پنجاب انسانی تاریخ کا سب سے بڑا ظلم ہے۔ تقسیم کے نتیجے میں ایک کروڑ لوگ اپنے آبائی گھروں سے نقل مکانی پر مجبور ہوئے اور لٹیروں کی باقیات نے مذہبی جنونیت کی آڑ لے کر پنجاب کے بیس لاکھ سے زائد مرد عورتوں بزرگوں بچوں کو بے رحمی سے قتل کیا۔ اپنے ایک بیان میں انہوں نے کہا کہ رواداری خوشحالی لاتی ہے اور آج پاکستان کی معاشی بدحالی کی بنیادی وجہ مذہبی جنونیت ہے کیونکہ مذہبی جنونیت کی سموک سکرین لگا کر معاشی لٹیرے اپنے مکروہ چہرے چھپا لیتے ہیں۔
