نوشہرو فیروز (رپورٹ: محمد علی ملک) محراب پور ٹھری روڈ پر سندھ میرج ہال کے قریب دس سالہ بچی ویگو گاڑی کی ٹکر سے جاںبحق ورثہ کا پوسٹ مارٹم کروانے سے انکار۔ تفصیلات کے مطابق محراب پور ٹھری روڈ پر سندھ میرج ہال کے قریب شادی کے تقریب کے دوران دس سالہ روبینہ ندیم باراتیوں کی جانب سے نچھاور کیے گئے چند روہے اٹھاتے ہوئے تیز رفتار ویگو کی زد میں آکر شدید زخمی ہوگئی جسے گاڑی کے مالک علی احمد سیال فوری طور پر اپنی گاڑی میں نجی کلینک میں لے گیا جہاں ڈاکٹر نے بچی کا معائنہ کرنے کے بعد اس کی موت کی تصدیق کی۔
محراب پور پولیس نے نجی اسپتال پہنچ کر بچی کے والد کو پوسٹ مارٹم کروانے کا کہا جس پر ورثہ نے پوسٹ مارٹم کروانے سے انکار کرتے ہوئے میت کو گھر لے گئے حادثے کا شکار ہونے والی بچی کا تعلق محراب پور نیو ٹاؤن وارڈ نمبر 16 چیمہ ٹاؤن سے جبکہ بچی کا والد ندیم راجپوت رنگ روغن کرکے گزر بسر کرتا ہے۔
