لاہور (اسپورٹس رپورٹر) سابق کپتان انضمام الحق نے کہا کہ مصباح الحق پر تنقید شعیب ملک کی راہ میں رکاوٹ بن گئی۔ انضمام الحق نے کہا کہ شعیب ملک نے کچھ عرصے قبل ہیڈ کوچ مصباح الحق کو تنقید کا نشانہ بنایا تھا اسی وجہ سے انہیں دوبارہ ٹیم میں شامل نہیں کیا جارہا۔ انہوں نے کہا کہ پاکستان ٹیم کو مڈل آرڈر میں کسی تجربہ کار بیٹسمین کی ضرورت ہے، شعیب ملک نے ماضی میں ملک کے لئے اچھا پرفارم کیا ہے، ورلڈ کپ سے قبل تجربات کے زیادہ مواقع نہیں مگر مصباح الحق کی وجہ سے آل راؤنڈر کو شامل نہیں کیا جائے گا۔
