کراچی (رپورٹ: ذیشان حسین) ڈی جی رینجرز (سندھ) میجر جنرل افتخار حسن چوہدری نے روٹری کلب کراچی کے زیرِ اہتمام نجی ہوٹل کی تقریب میں بطور مہمان خصوصی شرکت کی۔ روٹری کلب کے پریزیڈینٹ پرویز مدراس والا اور دیگر عہدیداران نے ڈی جی رینجرز (سندھ) کا استقبال کیا۔ ڈی جی رینجرز(سندھ) نے تقریب سے خطاب کرتے ہوئے کہا کہ روٹری کلب کے ممبران کی سماجی خدمات کے شعبے میں اندرون سندھ کے پسماندہ علاقوں میں انسانیت کی فلاح و بہبود اورلوگوں کے معیار زندگی کو بہتر بنانے کی کاوشیں قابل ستائش ہیں جس میں پانی کی شدید قلت کے پیش نظر سولر زکنویں اور بالخصوص صحت عامہ کے لیے مفت طبی کیمپس کا انعقاد شا مل ہے۔ ہم سب نے ملکر پاکستان میں بسنے والے عوام بالخصوص غریب اور نادار طبقے کی فلاح کے لیے کر دار ادا کرنا ہے اور آئندہ آنے والی نسلوں کو ایک خوشحال پاکستان دینا ہے۔
اس موقع پرتقریب کے شرکاء نے کراچی میں امن و امان کی بحالی کے ساتھ ساتھ دیگر فلاحی کاموں میں سندھ رینجرز کی خد مات کو سر اہا اوربحالی امن کے اقدامات میں اپنے بھرپور تعاون کا یقین دلایا۔
