کراچی (رپورٹ: ذیشان حسین) سندھ ہائیکورٹ کے جسٹس عقیل احمد عباسی، جسٹس محمدعلی مظہر اور جسٹس اشرف جہاں پر مشتمل 3 رکنی لارجر بینچ نے 6 جون کو اسکول فیس میں اضافے سے متعلق کیس کا فیصلہ محفوظ کیا تھا جو آج سنا دیا گیا ہے۔ عدالت نے اپنے فیصلے میں نجی سکولوں کی جانب سے فیس میں سالانہ 5 فیصد سے زائد اضافے کو غیر قانونی قرار دے دیا۔ فیصلے میں کہا گیا ہے کہ پرائیویٹ سکولز 5 فیصد سے زائد فیس بڑھانے کے اہل نہیں ہیں۔ عدالت نے پرائیویٹ سکولز کو 5 فیصد سے زائد فیس وصولی سے روک دیا۔
