کراچی (رپورٹ: ذیشان حسین) پاکستان سولر ایسوی ایشن اور کراچی الیکٹرنکس ڈیلرز ایسوسی ایشن کی مشترکہ پریس کانفرنس، پاکستان سولر ایسوی ایشن کے عہدے دار ذکر کا کہنا تھا کہ حکومت نے منی بجٹ میں سیلز ٹیکس کا بم گرایا ہے، سابقہ حکومت نے متبادل توانائی سے بجلی منصوبوں پر چھوٹ دی تھی، حکومت نے سیلز ٹیکس واپس نہ لیا تو انڈسٹری تباہ ہوجائے گی، پوری دنیا متبادل ذرائع سے بجلی بنانے پر سبسڈی دیتی ہے، یہ واحد حکومت ہے جو متبادل ذرائع سے بجلی بنانے پر سبسڈی نہیں دے رہی ہے، سبسڈی نہ دینے سے 540 والٹ سولر کی پلیٹ 10 ہزار روپے مہنگی ہوجائے گی۔
حکومت نے یقین دہانی کرائی تھی کہ متبادل ذرائع سے بجلی منصوبوں پر ٹیکس نہیں لگائیں گے، حکومتی فیصلے سے متبادل توانائی 20 سے 25 فیصد مہنگی ہوجائے گی، سولر پینل 80 فیصد دیہی علاقوں میں لگائے جاتے ہیں، سولر پینل سے ٹیوب ویل چلائے جارہے ہیں، حکومتی فیصلے سے 1200 سے 1500 کنٹینرز پورٹ پر پھنس گئے ہیں۔
